عبارة عن بعض الخواطر الشخصية أو المواقف التى تحدث لى أو لإحد أعرفه
وحسيكون التدوين فى قسم حبه هزار باللغة العامية لانى سأتكلم فيه
عن مشاعرى وخواطرى التى يصعب تحويلها الى اللغة الفصحى .
حلقة ( 1 )
بسأل نفسى يا ترى الناس كانوا بيقولو عليا أيه وبيوصفونى أذاى
فأبتديت أفكرت وأشوف أن كنت عامل أزاى
من أول أبتدائى ولحد دلوقتى
المرحلة الابتدأئية
الطالب الهادئ
المرحلة الاعدادية
الطالب اللى كان هادى وبقى مشاكس
المرحلة الثانوية
سنة أولى
الطالب الغريب
( ده جى منين ده )
( لعايز يلعب ولا يهرب من المدرسة بعد الفسحة هو بيخاف من يضرب ولا أيه )
سنة ثانية
الطالب الحزين الم...
سنة ثالثة
الطالب الجاد المتفوق
( أحببت التاريخ ومدرس التاريخ ربنا يرحمه )
مرحلة الجامعة
سنة أولى
الطالب الجامعى اللى عمل فيها سياسى ورشح نفسه فى أنتخابات الطلاب
المهم ما أخذتش غير خمس أصوات وطبعا منهم صوتى
وبعد كده أمن الجامعة مسكنى عشان كنت بوزع ورقتى الانتخابية
وكنت حاطت فيها أية قرأنية
( طبعا معجبهومش )
السنة ثانية
طالب جامعى أبتدى يركز ويحب الادارة والاقتصاد ( طبعا عرفته كليه تجاره )
وجبيت أمتياااز وجيد جداااا
السنة ثالثة
طالب جامعى مركز وأبتدى يمشى فى طريق الالتزام الحقيقى
وأصبح يحضر دروس بالمسجد
ويسمع شرائط ويقرأ كتب
( دى زادت معاه أوى )
( يعم براحة على نفسك )
لا وراح ينضم للجماعة الدينية يا أبنى دول مصيرهم معروف كل سنة
بيسقطوهم فى الانتخابات ويلحقوهم فى الامتحانات
وربنا يستر
لا وكمان عضو فريق الكشافة
وقال قيه الفريق أخذ المركز الخامس على مستوى الجامعات
حكم
السنة الرابعة
طالب جامعى مركز ( مش قوى ) ملتزم ( الحمد لله )
أترش بالميه وهو بيساند الاسره الدينية فى الانتخابات ( ومالوه)
وكانش ليه أى دور مع فريق الكشافة
ختام المرحلة الجامعية
تقدير تراكمى مقبول
تقدير أخر عام جيد
السنة الاولى هى التى أدت الى هذا الفرق
ياللا خيرها فى غيرها
أهم حاجة أنى طلعت بعلم جديد أسمه النظام التعاونى
وأحببت علم الادارة والاقتصاد
وتخرجت
طبعا الامال عريضه والاحلام ملهاش حدود
لكن فى خطوه قبل الدخول
الى العالم الواقعى عالم الاعمال
وهو الجيش
فى الجيش
الحمد لله أخذت تأجيل بس للأسف الفترات اللى قضيتها فى معسكر الجيش
كرهتنى فيه أكثر
صحيح أنا عارف أن الجهاد زروة سنام الاسلام
بسالواقع شىء أخر
خلاص تاجيل
يلا قدم بقى فى كل الوظائف
أحم أحم
فضلت سنة فى البيت
كل الشغل عايز خبرة
عملت أيه ؟؟
حاضر هقلوكم بس المرة الجية ان شاء الله
علشان الفجر قرب يأذن
ولاذم أتسحر
يالا تصبحوا على خير
سامحونى بقى على التدوين الحر ده المختلف عن طابع المدونة
بس أنا قلت أديها ( حبه هزار )
بقلمى
حبه هزار
تدوين حر
0 التعليقات:
إرسال تعليق