بجد والله العظيم زهقت اقول ايه بس هو الاضطهاد ده هيفضل لامتى
أنا عارف ده مش واقت أتكلم فى حاجة زى كده * بس أنا زهقت
( الاخوان والسلفيين ) اصبحوا عقدة للاعلام والنشطاء وشباب الفيس بوك والتويتر وأى حد بيدافع عنهم يبقى غبى وجاهل ومتخلف وبيدافع من غير علم ومش ثورى
اقول ايه بس أخواتى جننونى واصدقاء كثير على النت قربوا يتهمونى بالتهم المعلبة للاسلامين ( اسلامى اصولى انتهازى وهابى متخلف )
لما الاسلامين ينزلوا يقولوا متاخر وأما مينزلوش يقولوا خزلتونا
وأما يفشلوا يقولوا ده حجمهم واما ينجحوا يقولوا بياثروا على الناس وبيلعبوا بعقولهم باسم بالدين وبيستخدموه لمصلحتهم
لما تدافع عنهم تيقى جاهل وأما تسكت تبقى جبان
طيب انته عايزين ايه يارب ارحمنى
اللهم أن كان الاخوان والسلفيين يعملون لمصالحهم وفقط فأنت عليهم شهيد وبعبادك عليم وعليهم بقدير
و اللهم أن كانوا يعملوا لاجل راية الاسلام فأعلى كلمتهم وأرفع رايتهم
وانصرهم نصرا عزيزا موئزرا
اللهم أهد قومى وأت بهم " اللهم اهد قومى فانهم لا يعلمون"
سامحونى دية أول مرة أكتبلكم بالعامية ولكن فاض الكيل
هذة الكلمات كتبتها على صفحتى الشخصية على الفيس بوك
ورأيت أن أنقلها هنا واشارككم همى
* اليوم 16 / 12 / 2011 ( أحداث مجلس الشعب الدامية )
وجزاكم الله خيرا
أخوكم
0 التعليقات:
إرسال تعليق